ကျန်းမာရေးအတွက် Exercise လုပ်တာက ချွေးထွက်တော့ အသားအရေ ကြည်စေတယ်။ သက်လုံကောင်းစေတယ်။ အနုပညာအလုပ်က စိတ်နဲ့ လုပ်ရတာဆိုတော့ နှလုံးထိတယ်။ ကိုယ်က လေ့ကျင့်ခန်းလေး ပြန်လုပ်ပေးမှ နှလုံးက သွေးလှည့်ပတ်မှု ကောင်းမယ်။ သက်လုံကောင်းမယ်။ အဲဒီအတွက် လုပ်ဖြစ်တာပါ။
ကျန်းမာရေးဆိုတာ ကျန်းမာနေတဲ့ အချိန်ဆို သတိမရမိဘူး။ မတောင့်တဘူး။ တခြားအလုပ်ကိစ္စတွေကို စဉ်းစားမိတယ်။ နေမကောင်းဖြစ်တဲ့ အချိန်ကျမှ ကျန်းမာရေးကို သတိရတယ်။ ကျန်းမာချင်တယ်။ အဲဒီလို မဖြစ်အောင် ကျန်းမာစဉ်ကတည်းက ပုံမှန်ကျန်းမာရေးကို လေ့ကျင့်လိုက်စားပြီး သဘာဝနဲ့ အနီးစပ်ဆုံးနေပါလို့ အကြံပြုချင်ပါတယ်။ နန်းမြတ်က အစားအသောက်နဲ့ ပတ်သက်ပြီး ထွေထွေထူးထူး ရှောင်တာမရှိပါဘူး။ ဒါပေမဲ့ အသီးအရွက်တွေတော့ အဓိက စားမိတယ်။
အသီးတွေ များများစားတယ်။ ရေများများသောက်တယ်။ နဂိုကတည်းက အငန်မကြိုက်တော့ အငန်ကို ရှောင်တယ်။ အသီးဆိုရင် အရည်ရွှမ်းတဲ့ အသီးပဲဖြစ်ဖြစ်၊ ချိုတဲ့ အသီးပဲဖြစ်ဖြစ် အကုန်ကြိုက်တယ်။ မကျန်းမာတဲ့ အချိန်မှာ နောင်တရနေမဲ့အစား ကျန်းမာနေတဲ့ အချိန်မှာ ကျန်းမာရေးအတွက် ပုံမှန်ထိန်းသိမ်းတာ ကောင်းပါတယ်။
ကျန်းမာရေးအတွက်ဆိုရင် စက်ဘီးစီးရတာ၊ ကြက်တောင်ရိုက်ရတာတွေကို ဝါသနာပါတယ်။ ကျန်းမာရေးအတွက် နေ့စဉ် လေ့ကျင့်ခန်းလေး လုပ်ပေးပါလို့၊ ကျန်းမာရေးကို ကျန်းမာတဲ့ အချိန်မှာ စောင့်ရှောက်ပါလို့ အကြံပေးချင်ပါတယ်။
မြတ်သူအောင်
No comments:
Post a Comment