- 28 Jul 2012 |
- By 8 Days
ငယ်စဉ် မွေးဖွားရာ ဇာတိမြို့ ကလေးကို လူတိုင်း ချစ်မြတ်နိုး တွယ်တာ တတ်ကြ ပါတယ်။ အရွယ်ရောက်လို့ ပညာဆည်းပူးဖို့၊ ဘဝ တိုးတက်ရာ တိုးတက်ကြောင်း ရှာဖွေဖို့အတွက် မိမိရဲ့ဇာတိမြို့ကို စွန့်ခွာလို့ မြို့ကြီးပြကြီးကို ရောက်လာခဲ့တဲ့သူတွေ ရှိပါတယ်။ ကိုယ့်ရဲ့ အိပ်မက်ကိုယ်စီနဲ့ပေါ့။ ဘယ်လိုအချိန် ဘယ်ကာလမှာပဲမဆို ကိုယ့်ရဲ့ဇာတိမြို့လေးကို လွမ်းတမ်းတစိတ်တော့ ဖြစ်မိတတ်ကြပါတယ်။ မြို့ပြမှာ အလုပ်တွေမောလို့ စိတ်ကြည်နူးစရာရယ်လို့ ပြန်တွေးမိရင် ကိုယ်ဇာတိက ငယ်ဘဝတွေဆိုရင် မှားမယ် မထင်ပါဘူး။
“ကောင်းကင်ထက်က ပန်းတစ်ပွင့်” ဇာတ်ကားကြီး သွားရိုက်တုန်းက ရှုခင်းလေးတွေက အရမ်းလှတာပဲ။ မိုးကုတ်တောင်ပေါ်က ညောင်ပင်အကြီးကြီးမှာ သွားရိုက်ကြတာလေ။ အဲဒီရှုခင်းလေးတွေဆိုရင် အရမ်းသတိရမိတယ်။ မိုးကုတ်မှာ ထက်ရဲ့ အစ်မဝမ်းကွဲတွေလည်း ရှိသေးတယ်။ ပြီးခဲ့တဲ့တစ်ခေါက် ပြန်လာတုန်းကဆိုရင် ထက်ထက်ကြိုက်တဲ့ ပုံစံလေးတွေတောင် ချုပ်ပေးလိုက်သေးတယ်။ ထက်ထက်ကို ကြိုဆိုကြသလို ထက်ထက်ရဲ့ အစ်မဝမ်းကွဲတွေကိုလည်း ထက်ထက်က အများကြီး ကျေးဇူးတင်သလို စိတ်ထဲမှာလည်း ဝမ်းလည်းဝမ်းသာတယ်။ သူငယ်ချင်းတွေလည်း အဲဒီလိုပဲ။ “ဟယ်..နင်က ဒါလေး ကြိုက်တတ်တယ်မဟုတ်လား၊ နင်ကြိုက်တဲ့ ဥစ္စာလေးတွေ ချက်ပေးမယ်နော်။ နင်ကြိုက်တဲ့ ခေါက်ဆွဲလေး လုပ်ပေးမယ်နော်” လို့ ပြောလိုက်တဲ့အချိန်မှာ စိတ်ထဲမှာဝမ်းသာတယ်။ ငယ်သူငယ်ချင်းတွေနဲ့ ပြန်တွေ့ရတော့ အရမ်းဝမ်းသာတယ်။ မိုးကုတ်မြို့မှာ မွေးကတည်းက စပြီး ၁၂ နှစ် ၁၃ နှစ်ထိ နေခဲ့ပါတယ်။
ကလောင် - ထွန်းမြင့်ဇော်
No comments:
Post a Comment